Einstaklingsverkefnið

Ég, Andrés og Alexander erum að vinna í „einstaklings“-verkefninu. Við ákváðum að bua til stutta kvikmynd. Við byrjuðum að kasta á milli okkar hugmyndum, skrifuðum svo gróft handrit og fórum „location-spotting“. Hérna eru nokkrar myndir af okkur „location spotting“:

Við ákváðum snemma að myndin ætti að fjalla um einn atburð sem við upplifum frá mismunandi sjónarhornum. Myndin fjallar semsagt um mann sem vaknar í ókunnugu húsi og sér dauða konu. Hann rifjar svo upp atburði gærdagsins.

Við vildum hafa eitthvað tímaflakk, þ.e.a.s. að myndin væri ekki í réttri tímaröð. Þá var spurning hvernig við kæmum því til skila, og við ákváðum að hafa nútíðina í lit, ímyndanir svarthvítar og fortíðina „bláhvíta“.

Lúkkið átti líka að skipta miklu máli, og við rembdumst við það að hafa hvert skot sem flottast. Við lékum okkur líka dáldið með liti í svart hvítu (t.d. lituðum við bensínljósið í byrjuninni og himininn o.fl.).

Mitt uppáhaldsatriði er atriðið með speglinum. Það var helvíti flókið í framkvæmd. Ég fæ hausverk bara af því að hugsa um það.

Ég er persónulega mjög ánægður með útkomuna og ég vona að þið verðið það líka. Hún kemur hingað innan skamms.